Asterix

Gespeichert von Webmaster am 7. Dezember 2010 - 18:11

Asterix hett platt snackt

Marianne Ehlers weer dorbi

 

Ja, un he kunn dat good, de norddüütsche Asterix tosamen mit all sien gode Frünnen! En weer plietscher as de annere – un Dr. Reinhard Goltz ut Bremen verstünn dat wunnerbor, de Tohörers in't Börgerhuus in sien Översetter-Warksteed rinkieken to laten! Dat hett Spaaß maakt un weer recht wat achtersinnig, wat he dor so mit "Power-Point" an'e Wand smieten kunn.

Wi hebbt begrepen, dat de Mallbüdels, Queesmichels un Fuuljacken ut de dree plattdüütschen Asterix-Comics wat to vertellen hebbt. Un se hebbt ehr egen Leven in'n hogen Norden, wo de rugen Wikingers tokehr gaht un wo Seefohrt Not deiht. Fein, wo Reinhard Goltz dat verkloren kunn. Nu weet wi, wat in de plattdüütschen "Spreekblasen" binnen steiht – un wi hebbt düchdig wat dorto lehrt, all, de wi dorbi weern. Dat geev noch en Quiz – un en hett sogar en Asterix-Comic wunnen!

Ok Nich-Platt-Snacker hebbt veel mitnahmen vun düssen Abend – na, dat harrn jem man vörher weten schullt, wat?

Fotos